السلام عليكم ورحمة الله و بركاته،
هو إحنا مستنين إيه؟
سؤال غريب، لا ولا غريب ولا حاجة ، ده سؤال مهم وخطير جدا.
بجد إحنا مستنين إيه؟ لسه فيه إيه ماحصلش ومنتظرين إنه يحصل؟
فاضل إيه تاني عشان نقول كده كفاية ومعدناش هنعمل كده ؟
براكين وانفجرت، زلازل ودمرت، حرائق وشعللت وحرقت، ناس بتتشوي فالنار... وفي المية كمان...
عمارات مسلحة ومتينة وبتتنيل وتقع،
عواجيز ماتوا، ومعاهم شباب، وقبلهم أطفال، شوفنا كل الأعمار بتموت ولسة مستنين.... مستنين إيه ؟؟؟ أنا مش عارف.
الكلام ده للأسف كلنا واقعين فيه (إلا من رحم الله) وأنا أولهم... أول المستنيين.
أكيد أكيد كل واحد فينا شاف حاجة من إللي قولتها فوق دي، إما صاحبك العزيز – أو إللي مش عزيز- مات وشفت موته بعنيك، أو دفنته، أو على الأقل مشيت في جنازته.
وإما شفت حادثة فظيعة على الطريق والناس فيها متقطعة – وما أكثرها على الطرق-.
أو على أقل تقدير شوفت مأساة تسونامي.... فاكرين يا جماعة تسونامي...
ناس لا بيهم ولا عليهم قاعدين على الشط ومظأطتين وفجأة المية كلتهم .. وبمعنى أصح شوتهم.
وكلنا أيامها أفتكرنا فعلاً حقيقة الموت وإنه ملوش معاد ولا سابق إنذار... وفاتت الأيام وكله نام.
عارفين –للأسف- كل ده وشفناه ومع ذلك مصرين منبطلش معصية، طب لسة إيه تاني عايزينه يحصل عشان نفوق ونبطل ونرجع تاني لربنا.
إللي مش عايز يقوم يصلي مستني إيه،
إللي لسة بيشرب سجاير ولّا غيرها مستني مثلاً يموت ونفس السجارة محبوس في صدره،
وإللي لسة مش قادر يبطل فرجة على البنات، سواء في شارع ولّا كليب ولّا موقع نت، ياتري مستني ملك الموت يجيله وهو كدة،
عارف يعني أيه؟ يعني هتبعث كده، قدام الخلق جميعنا تأتي يوم القيامة كدة، قدام النبي-صلى الله عليه وسلم- هتيجي كدة، والأكبر... قدام ربك هتيجي كدة!!!
الموضوع بجد صعب ومهم، لأن إللي لسة مستني ده هيفضل كدة لحد مايجيلوا حاجة من دول:
1. الفضيحة في الدنيا بالذنب إللي بيعمله، ودي طبعا متجيش حاجة جنب فضيحة الآخرة.
2. تعجيل ربنا له بالعقاب الدنيوي على معصيته.
3. موت الفجأة، ويا حسرته وسواده ومصيبته الكبرى لو قبض على المعصية!
طب يا ترى حد فينا يحب يحصله حاجة من ده؟
لازم بجد الواحد يفوق لنفسه شوية ويلحق إللي باقي من عمره، ذنوبنا كتييييير أوي ، مهما كبرت ولا صغرت، برضوا ذنوب،
(فَمَنْ يَعْمَلْ مِثْقَالَ ذَرَّةٍ خَيْرًا يَرَهُ. وَمَنْ يَعْمَلْ مِثْقَالَ ذَرَّةٍ شَرًّا يَرَهُ)
أيوة الذرة هاتتحاسب عليها خير، أو شر.
أعرف إن الله غفور رحيم، بس برضوا إن عذابه هو العذاب الأليم.
كلنا عارفين إن ربنا ممكن يقبضنا أثناء المعصية، بس بنضحك على نفسنا ونقول بس ربنا مش هيقبضني الآن، هو قادر بس مش دلوقتي، سبحان الله، يعني هنفضل كده لحد ما فعلاً يحصل.
يا أخي مش لازم تجرب كل حاجة، أصلها المرة دي هتبقى صعبة أوي، بجد، دي حياتك كلها وأخرتك.
وبعدين مأنت شوفت أو سمعت عن إللي ما وهو بيغني وإللي مات وهو بيزني وإللي مات وهو بيدخن أو بيحشش وإللي مات وهو بيقول هاقوله أيه؟ طب أنت عارف هاتقوله أيه؟؟ ...
كل دول مش كفاية، لسة برضوا مستني، طب قولي مستني إيه تاني؟؟
ذي ما قولت الموضوع كبير وخطير، وإللي ذيّ ما يقدرش يتكلم فيه كويس، بس على قد ماقدرت عبرت، وقبل السلام أنصح الأخوة والأخوات بسماع شيء عن الموضوع لأحد العلماء والدعاة.
ودعوة عامة للتوبة والعودة إلى الله،
تبت إلى الله، وندمت على ما فعلت، وعزمت عزماً أكيداً ألا أعود للذنوب مرة أخرى.
اللهم تب علينا لنتوب
و اغفر لنا الذنوب
واسترنا ولا تفضحنا
وتوفنا وأنت راضٍ عنا
والسلام عليكم.
هو إحنا مستنين إيه؟
سؤال غريب، لا ولا غريب ولا حاجة ، ده سؤال مهم وخطير جدا.
بجد إحنا مستنين إيه؟ لسه فيه إيه ماحصلش ومنتظرين إنه يحصل؟
فاضل إيه تاني عشان نقول كده كفاية ومعدناش هنعمل كده ؟
براكين وانفجرت، زلازل ودمرت، حرائق وشعللت وحرقت، ناس بتتشوي فالنار... وفي المية كمان...
عمارات مسلحة ومتينة وبتتنيل وتقع،
عواجيز ماتوا، ومعاهم شباب، وقبلهم أطفال، شوفنا كل الأعمار بتموت ولسة مستنين.... مستنين إيه ؟؟؟ أنا مش عارف.
الكلام ده للأسف كلنا واقعين فيه (إلا من رحم الله) وأنا أولهم... أول المستنيين.
أكيد أكيد كل واحد فينا شاف حاجة من إللي قولتها فوق دي، إما صاحبك العزيز – أو إللي مش عزيز- مات وشفت موته بعنيك، أو دفنته، أو على الأقل مشيت في جنازته.
وإما شفت حادثة فظيعة على الطريق والناس فيها متقطعة – وما أكثرها على الطرق-.
أو على أقل تقدير شوفت مأساة تسونامي.... فاكرين يا جماعة تسونامي...
ناس لا بيهم ولا عليهم قاعدين على الشط ومظأطتين وفجأة المية كلتهم .. وبمعنى أصح شوتهم.
وكلنا أيامها أفتكرنا فعلاً حقيقة الموت وإنه ملوش معاد ولا سابق إنذار... وفاتت الأيام وكله نام.
عارفين –للأسف- كل ده وشفناه ومع ذلك مصرين منبطلش معصية، طب لسة إيه تاني عايزينه يحصل عشان نفوق ونبطل ونرجع تاني لربنا.
إللي مش عايز يقوم يصلي مستني إيه،
إللي لسة بيشرب سجاير ولّا غيرها مستني مثلاً يموت ونفس السجارة محبوس في صدره،
وإللي لسة مش قادر يبطل فرجة على البنات، سواء في شارع ولّا كليب ولّا موقع نت، ياتري مستني ملك الموت يجيله وهو كدة،
عارف يعني أيه؟ يعني هتبعث كده، قدام الخلق جميعنا تأتي يوم القيامة كدة، قدام النبي-صلى الله عليه وسلم- هتيجي كدة، والأكبر... قدام ربك هتيجي كدة!!!
الموضوع بجد صعب ومهم، لأن إللي لسة مستني ده هيفضل كدة لحد مايجيلوا حاجة من دول:
1. الفضيحة في الدنيا بالذنب إللي بيعمله، ودي طبعا متجيش حاجة جنب فضيحة الآخرة.
2. تعجيل ربنا له بالعقاب الدنيوي على معصيته.
3. موت الفجأة، ويا حسرته وسواده ومصيبته الكبرى لو قبض على المعصية!
طب يا ترى حد فينا يحب يحصله حاجة من ده؟
لازم بجد الواحد يفوق لنفسه شوية ويلحق إللي باقي من عمره، ذنوبنا كتييييير أوي ، مهما كبرت ولا صغرت، برضوا ذنوب،
(فَمَنْ يَعْمَلْ مِثْقَالَ ذَرَّةٍ خَيْرًا يَرَهُ. وَمَنْ يَعْمَلْ مِثْقَالَ ذَرَّةٍ شَرًّا يَرَهُ)
أيوة الذرة هاتتحاسب عليها خير، أو شر.
أعرف إن الله غفور رحيم، بس برضوا إن عذابه هو العذاب الأليم.
كلنا عارفين إن ربنا ممكن يقبضنا أثناء المعصية، بس بنضحك على نفسنا ونقول بس ربنا مش هيقبضني الآن، هو قادر بس مش دلوقتي، سبحان الله، يعني هنفضل كده لحد ما فعلاً يحصل.
يا أخي مش لازم تجرب كل حاجة، أصلها المرة دي هتبقى صعبة أوي، بجد، دي حياتك كلها وأخرتك.
وبعدين مأنت شوفت أو سمعت عن إللي ما وهو بيغني وإللي مات وهو بيزني وإللي مات وهو بيدخن أو بيحشش وإللي مات وهو بيقول هاقوله أيه؟ طب أنت عارف هاتقوله أيه؟؟ ...
كل دول مش كفاية، لسة برضوا مستني، طب قولي مستني إيه تاني؟؟
ذي ما قولت الموضوع كبير وخطير، وإللي ذيّ ما يقدرش يتكلم فيه كويس، بس على قد ماقدرت عبرت، وقبل السلام أنصح الأخوة والأخوات بسماع شيء عن الموضوع لأحد العلماء والدعاة.
ودعوة عامة للتوبة والعودة إلى الله،
تبت إلى الله، وندمت على ما فعلت، وعزمت عزماً أكيداً ألا أعود للذنوب مرة أخرى.
اللهم تب علينا لنتوب
و اغفر لنا الذنوب
واسترنا ولا تفضحنا
وتوفنا وأنت راضٍ عنا
والسلام عليكم.