السلام عليكم ورحمة الله وبركاته،
عودة مرة أخرى لشرح برنامج الهايسيس، ولكن بصراحة مفيش كلام جديد.
الحكاية إني كنت قدمت دورة في منتدى البترول العربي بعنوان " الدورة المفتوحة لتعلم الهايسيس"، وكنت أعلنت عنها هنا في وقتها.
المهم إن الدورة دي خلصت من فترة، وكنت بقدم فيها الدروس كل درس مكتوب في ملف منفصل ومستقل، ففكرت أن أجمع هذه الدروس سوياً في كتاب واحد ليكون الشرح مكتمل في مكان واحد.
وكمان عدلت في بعض الأشياء( مش كتير يعني) وزودت كلام في بعض الفصول وخصوصاً الفصل الأخير بتاع ال Optimization لأني أيام الدورة مكنتش شرحته بالكامل، وإنما كنت معتمد على الفيديو، فكملت كتابته عشان يبقى كل شيء مكتوب لو حد مكنش متاح ليه مشاهدة الفيديوهات.
لا أحب أن أطيل الكلام في تدوينات شرح الهايسيس، عشان أخش في المقصود على طول.
أنا عملت الكتاب والحمد لله، وتفاصيل الكتاب كالتالي:
الاسم: دليلك لتعلم المحاكاة باستخدام برنامج HYSYS 3.2 خطوة بخطوة.
عدد الصفحات: 207 صفحة (شاملة الغلاف والفهرس والذي منه)
نوع الملف: PDF
حجم الملف: 10 ميجا.
أتمنى أن يكون الكتاب على المستوى المطلوب.
6 اكتب تعليقك... فرأيك يهمني:
جزاك الله خيرا يا باشمهندس
انا فهمت حاجات كتيرة من شرحك ع المنتدى وان شاء الله اكمل الحاجات اللى ناقصاني
انا بجد نفسي في عمليات معالجة الغاز Sweeting / Dehydration / ... والامثلة اللى بالنظام ده بس بادوخ عليها عشان الاقيها
وجزاك الله مثله إن شاء الله
أتمنى إن الكتاب يكون مفيد لك ويزيد من معلوماتك، ولا تنساني من دعائك
بالنسبة لأمثلة معالجة الغاز هي فعلاً غير منتشرة، بس ما تحاول تعمل بنفسك المثال إللي أنت عايزه، جرب كدة وهتلاقيها ممتعة وبتكون مفيدة جداً، وأنا إن شاء الله في أقرب فرصة أفضي نفسي فيها شوية للهايسيس هيكون في حاجات جديدة ومفيدة إن شاء الله.
بصراحه فكره جميله جداااا
انا نفس اتعلمه من زمان
لانى اعمل بمحطة معالجة زيت
جزاك الله كل خير
وجزاك الله مثله
أتمنى أن يفيدك الكتاب بالفعل.
جزاك الله خيرا, ولله كنت أرجو أن يكون هناك جزء ثاني للكتاب يحتوى على مجموعة من الأمثلة مع بعض الحلول المختصرة و الغير محلولة.
وجزاك الله مثله.
إن شاء الله أخي الكريم يكون هناك الجديد خلال الفترات القادمة سواء فيديوهات أو كتابات، اسألك الدعاء بالتوفيق وتيسير الأمور.
إرسال تعليق