السلام عليكم ورحمة الله وبركاته
مش كفاية بقى ولا إيه؟
بقالي كتير أوي متوقف عن التدوين
طب مش كفاية بقى ولا إيه؟
الحمد لله ربنا أنعم علينا بفضل وخير كثير بعد ثورة 25 يناير، يكفي فيها زوال الظلم (أو كثير منه) وطواغيته (أو كثير منهم)، بس من أيام الثورة ولحد دلوقتي تقريباً والعملية مش متظبطة...
معظم الناس إلا من رحم الله، انشغل بأحداث الثورة والتطور والتحرر وإللي اتسجن وإللي هرب و.. و... وجه على حساب الدين
جه على حساب علاقته بربنا
جه على حساب فعل كثير من الطاعات
جه على حساب الاهتمام بأولويات حياته
طب وبعدين، مش كفاية بقى ولا إيه؟
مش كفاية ويالا نرجع لربنا تاني
مش كفاية خناقات وفتن ونرجع بسلام مع بعض تاني
مش كفاية زبالة الفضائيات ويهدو علينا تاني
مش كفاية مظاهرات ومطالب ونرجع للشغل تاني
مش كفاية نقول للبلد هاتي ونرجع نقولها خدي من تاني
مش كفاية؟
أنا متهيألي إنه كفاية... وكفاية قوي
______________________________________________
* لم آخذ القرار بالإنتظام من جديد في المدونة، ولكن ستكون هناك تدوينات على فترات غير منتظمة، وغير مرتبطة ببعضها
3 اكتب تعليقك... فرأيك يهمني:
أزال المؤلف هذا التعليق.
باشمهندس احمد مختار السلام عليكم ورحمة الله انا سعيد جدا اني اتعرفت عليك من خلال شرحك لبرنامج الهايسيس . لذلك ارجو ان تواصل في شرح البرنامج لتكون الاول علي مستوي العالم والله مش مبالغة لكن لعل الله يحدث بعد ذلك امرا. مبارك عليكم الثورة والله انتم تستاهلوا كل خير لانكم شعب مميز وارجوا منك ومن امثالك عكس الوجه المشرق للملتزم السني لكل العالم حولك ارجو ان نتلتقي في مصر او السودان ان حضرت هنا السودان يرحب بك .اخوك مهندس كيميائي عبدالسلام محمد السودان مني اركويت ت:0029918320136
وعليكم السلام ورحمة الله وبركاته
يا أهلاً بأهل السودان، الأخوة الطيبيين
دا أنا إللي سعيد بمعرفتك ويشرفني ده طبعاً
إن شاء الله في بالي موضوع تكملة شرح الهايسيس بس هي مسألة وقت وربنا يسهل الأمور ودعواتكم معانا
إرسال تعليق