السلام عليكم ورحمة الله وبركاته،
سؤال طلع في دماغي وقعد يزن لفترة معايا وهو: أنا ليه بدوِّن؟ يعني ليه كل شوية أكتب موضوع جديد؟ وهو أنا ليه أصلاً عامل مدونة؟
بصراحة السؤال ده حيرني كثيراً وفضلت فترة بجمع عزيمتي وأعقد النية على أصل العمل ده...
في الحقيقة وبصراحة كدة أنا أول ما قررت أعمل المدونة دي كان عشان شرح برنامج الهايسيس، ده فعلاً كان الدافع الحقيقي وراء المدونة، أن أقدم ما قمت بعمله في الشرح للآخرين ليتمكنوا من الإستفادة منه.
بس بعد ما أنشأت المدونة لقيت إن ليها فايدة أكبر وممكن استخدمها بشكل أوسع وأفضل...
كان بقالي فترة طويلة مش عارف ألاقي لنفسي مجال للدعوة للآخرين، ولأني عارف إن الدعوة من أهم جوانب الدين فكان الموضوع ده فعلاً مضايقني، رغم إني كنت بشارك دعوياً بصورة أو أخرى، بس كنت حاسس إن ده مش كفاية، وبما إني علاقاتي ليست متعددة، أو بمعنى أصح مبعرفش أقف قدام واحد وأنصحه إلا إذا كنت أعرفه وبرضوا مببقاش برفكت يعني، فلقيت إن المدونة دي فرصة كويسة جداً للي ذيي تستغل في هذا المجال.
وبعد كدة قررت إن التدوين التكنيكي ميبقاش عن الهايسيس وبس ولكن يكون في معظم المجالات إللي ممكن أكون بعرف فيها، من باب برضوا تبادل الخبرات وتوصيل النفع للأخرين.
وبالتالي اصبحت دي هي المحاور الأساسية للتدوين عندي، بالإضافة لبعض التدوينات العامة من حين لآخر مع قلتها.
دا كان الحال في البداية، ولكن السؤال طلع في دماغي منذ فترة بصورة أخرى، وطبعاً لأني عارف إن مفيش ناس كتيير بتدخل المدونة ولا حاجة - يعني حاجة كدة على قد الحال -،وإن أنا عارف إن 90% من إللي بيدخل المدونة بيكون عشان شرح الهايسيس، ومفيش حد حتى من إللي بيدخل للهايسيس بيعبر...
الموضوع لما طلع في دماغي كان يقصد: إنت ليه بتكتب لما مفيش حد بيقرأ، وليه توجع دماغك وتكمل حاجة ذي كدة؟
الموضوع دة بجد كان هيوصل معايا لغلق المدونة، وبعد ما هدء شوية كان القرار بتحويل المدونة لأسم آخر وتكون للحاجات العلمية بس وخاصة الشرح خاصة ذي ماقلت إني عارف إن 90% من الزوار إن لميكن أكثر بيدخل عشان ياخد رابط الشرح وشكراً على كدة.
بس الحمد لله رجعت فكرت شوية وعقلتها، وقررت إني أسيب المدونة دي ذي ما هي، وأكمل فيها ذي مأنا ماشي، حتى لو مفيش حد بيقرأ مواضيع، مش مهم، أكيد في نسبة ولو ضئيلة جداً بتقراً شيء ما في المدونة ولو شيء قليل جداً،و لعل وعسى حد فعلاً ينتفع بأي كلمة أنا كتبتها في يوم من الأيام.
أنا والحمد لله ومن أول يوم موضوع التعليقات دا مش في دماغي، قصدي يعني لو محدش بيرد مفيش مشكلة المهم يكون أنتفع بأي كلمة أنا قلتها أو كتبتها وخلاص.
عشان كدة أنا قررت أستمرعازم النية على نفع المسلمين إن شاء الله وتقديم النصح، والمساهمة في جزء ولو ضئيل من نشر الدين الإسلامي والدعوة من أجله، وأتمنى من الله أن يتقبل هذا العمل ويجعله خالصاً لوجهه، ويكون عمل صالحاً أنتفع به في يوم الحساب بلا عمل...
سؤال طلع في دماغي وقعد يزن لفترة معايا وهو: أنا ليه بدوِّن؟ يعني ليه كل شوية أكتب موضوع جديد؟ وهو أنا ليه أصلاً عامل مدونة؟
بصراحة السؤال ده حيرني كثيراً وفضلت فترة بجمع عزيمتي وأعقد النية على أصل العمل ده...
في الحقيقة وبصراحة كدة أنا أول ما قررت أعمل المدونة دي كان عشان شرح برنامج الهايسيس، ده فعلاً كان الدافع الحقيقي وراء المدونة، أن أقدم ما قمت بعمله في الشرح للآخرين ليتمكنوا من الإستفادة منه.
بس بعد ما أنشأت المدونة لقيت إن ليها فايدة أكبر وممكن استخدمها بشكل أوسع وأفضل...
كان بقالي فترة طويلة مش عارف ألاقي لنفسي مجال للدعوة للآخرين، ولأني عارف إن الدعوة من أهم جوانب الدين فكان الموضوع ده فعلاً مضايقني، رغم إني كنت بشارك دعوياً بصورة أو أخرى، بس كنت حاسس إن ده مش كفاية، وبما إني علاقاتي ليست متعددة، أو بمعنى أصح مبعرفش أقف قدام واحد وأنصحه إلا إذا كنت أعرفه وبرضوا مببقاش برفكت يعني، فلقيت إن المدونة دي فرصة كويسة جداً للي ذيي تستغل في هذا المجال.
وبعد كدة قررت إن التدوين التكنيكي ميبقاش عن الهايسيس وبس ولكن يكون في معظم المجالات إللي ممكن أكون بعرف فيها، من باب برضوا تبادل الخبرات وتوصيل النفع للأخرين.
وبالتالي اصبحت دي هي المحاور الأساسية للتدوين عندي، بالإضافة لبعض التدوينات العامة من حين لآخر مع قلتها.
دا كان الحال في البداية، ولكن السؤال طلع في دماغي منذ فترة بصورة أخرى، وطبعاً لأني عارف إن مفيش ناس كتيير بتدخل المدونة ولا حاجة - يعني حاجة كدة على قد الحال -،وإن أنا عارف إن 90% من إللي بيدخل المدونة بيكون عشان شرح الهايسيس، ومفيش حد حتى من إللي بيدخل للهايسيس بيعبر...
الموضوع لما طلع في دماغي كان يقصد: إنت ليه بتكتب لما مفيش حد بيقرأ، وليه توجع دماغك وتكمل حاجة ذي كدة؟
الموضوع دة بجد كان هيوصل معايا لغلق المدونة، وبعد ما هدء شوية كان القرار بتحويل المدونة لأسم آخر وتكون للحاجات العلمية بس وخاصة الشرح خاصة ذي ماقلت إني عارف إن 90% من الزوار إن لميكن أكثر بيدخل عشان ياخد رابط الشرح وشكراً على كدة.
بس الحمد لله رجعت فكرت شوية وعقلتها، وقررت إني أسيب المدونة دي ذي ما هي، وأكمل فيها ذي مأنا ماشي، حتى لو مفيش حد بيقرأ مواضيع، مش مهم، أكيد في نسبة ولو ضئيلة جداً بتقراً شيء ما في المدونة ولو شيء قليل جداً،و لعل وعسى حد فعلاً ينتفع بأي كلمة أنا كتبتها في يوم من الأيام.
أنا والحمد لله ومن أول يوم موضوع التعليقات دا مش في دماغي، قصدي يعني لو محدش بيرد مفيش مشكلة المهم يكون أنتفع بأي كلمة أنا قلتها أو كتبتها وخلاص.
عشان كدة أنا قررت أستمرعازم النية على نفع المسلمين إن شاء الله وتقديم النصح، والمساهمة في جزء ولو ضئيل من نشر الدين الإسلامي والدعوة من أجله، وأتمنى من الله أن يتقبل هذا العمل ويجعله خالصاً لوجهه، ويكون عمل صالحاً أنتفع به في يوم الحساب بلا عمل...
اللهم آمييين
8 اكتب تعليقك... فرأيك يهمني:
كمل يا مختار و حتي لو ما حدش قرأ ولا كلمة من كلامك فكفاية ان انت بتكتب لنفسك و تفيد نفسك قبل أي حد تاني ... علي الاقل لو عايز تفتكر انت كنت ايه من شهر أو من سنة هتلاقي نفسك في المدونة و تعرف انت عملت أيه و تقدر تقيم نفسك
كمل في تعليم الناس
فزكاة العلم كل العلم و زكاة المال جزء من المال ...
كمل المشوار
عندك حق فعلاً يا قصص
وده إللي أنا بالفعل قررته
ويكفيني إني أنفع نفسي ومعي قلة قليلة وإن لم يتجاوبوا معي.
ربنا يتقبل منا أعمالنا ويجعلها في ميزان حسناتنا
ربي يكرمك ويجعل سببا لهداية شخص ما بعبرة أو بشيء هادف ومميز ..صدقني من أحلى الامور في الحياة إنك تحس أن أحدهم استفاد من كلمة أو نصيحة ..نفع الله بك الكثيرون ...تحياتي
الأم نور الغالية،
جزاك الله كل خير وبارك فيكي
فعلاً والله صدقتي فيما قلتِ، وهذا بالفعل هو الدافع الأساسي -أن لم يكن الوحيد- الذي يجعاني استمر فيما أفعله.
أكرمكِ الله وبارك لكِ في أولادك.
ربنا يكرمك يا باشمهندس
على فكرة أنا كنت متابع دروس حضرتك عن الهايسيس على موقع عرب أويل بس الموقع قفل وأنا كمان انشغلت في الامتحانات والميد ترمات والكلام اللى حضرتك عارفه ده
بالمناسبة أنا في تالته تكرير السنادي :)
وبجد أنا فرحان إن فيه حد من كليتنا زيك كده كل همه ينشر العلم لوجه الله
ربنا يكرمك ويزيدك من فضله ويرضي عليك
اللهم آمين
:)
جزاك الله كل خير يا باشمهندس
ربنا يكرمك ويوفقك في السنة إللي فاضلالك في الكلية وتعدي على خير إن شاء الله.
أنا على فكرة تشرفت بمعرفتك، بس على فكرة أنا معرفتش اسمك إيه؟
D:
السلام عليكم ورحمة الله وبركاته
انا اخوك في الله احمد القاضي من اليمن مدرب في مجال التشغيل نفط وغاز واعمل منذ18 سنة في شركات اجنبية وبصراحة انا في غاية السعادة اني تعرفت على اخ مثلك واعتز بك كثيرا وبمجهودك الكبير الذي تقدمه لاخوانك واري فيك صاحب هم كبير لهذا الدين العضيم الذي شرفنا به الله واني احبك في الله وارجوا من الله ان يكثر من امثالك وان يجعلك في عليين ولخدمة عباده المومنين انا بصراحه كنت اتمني من يساعدني في فهم الهيسس وحصلت علي البرنامج من مهندس كان يعمل معي في الخليج لكن عملي كمشغل وضعف همتي لم يتسني لي التعلم عليه ولان عملي ليس مهندس عمليات بالرغم هذا تخصصي وحالت الضروف الا ان اعمل مشغل واستمر العمر في هذا المجال الي ان اصبحت مدرب في مجال التشغيل في شركة اجنبية تعمل في بلدناوالحمد لله انك رجل ملتزم وتقدم عملك خالصا لوجه الله ودعوة الي الله فالله يعرفك ولا يهم الاخرين سلامة القصد والنية الطيبة هي الاساس وهي التي تثاب عليها وجزاك الله خيرا كثير اليك بريدي الخاص alqadi65@yahoo.com
other email @ my company operations.trainer@doveyemen.com
but i prefer to contact with you on my private email
أبو حارث
وعليكم السلام ورحمة الله وبركاته
بارك الله فيك وجزاك خيراً على كلامك الجميل هذا، وأسأل الله لك التوفيق والسداد.
وإن شاء الله يكون التواصل من خلال الإيميل.
جزاك الله خيراً
إرسال تعليق